Audio tour 12 "Имезүчеләр дөньясы" залы

Имезүчеләр латинча Mammalia, умырткалыларның иң югары классы. Тере тудыру, балаларын сөт белән имезү, җылытәнлелек, тәннең даими температурасы бу иң камил хайванарга бик күп төрле шартларда яшәргә һәм үрчергә мөмкинлек бирә. Үзәк нерв системасы, сизү органнары, аш кайнату һәм сулыш алу системалары югары үсешкә ирешәләр.
Имезүчеләр иң югары оешкан хайваннар булып ике йөз егерме биш миллион ел элек триас чоры азагында барлыкка килгәннәр. Мезозой эрасының азагында алар сөйрәлүчеләрне кысырыклап чыгарып, кайнозойдан башлап җирдә өстенлек итәләр.
Хәзер дөньяда имезүчеләрнең дүрт мең биш йөз төре бар.