Museum Azərbaycan Xalça Muzeyi

Azərbaycan Xalça Muzeyi 1967-ci ildə yaradılmaqla, dünyada xalçaların toplanması, qorunması və öyrənilməsi sahəsində ilk ixtisaslaşmış muzey oldu. Onun ilk ekspozisiyası 1972-ci ildə, qədimi Bakının ərazisində - İçərişəhərdə yerləşən Cümə məscidində açıldı.
Bu muzey xalçanı Azərbaycanın digər ənənəvi sənət növləri ilə qarşılıqlı əlaqədə nümayiş etdirənbir milli mədəniyyət xəzinəsidir.Onun kolleksiyasına 14 000 -ə yaxın xalça, tikmə, geyim, mis qablar, zərgərlik əşyaları, şüşə, taxta və keçə məmulatları daxildir.
Muzey Azərbaycan xalçasının öyrənilməsi üzrə elmi mərkəzdir. O,, Azərbaycan xalçası üzrə bir sıra beynəlxalq simpoziumların təşkilatçısıdır. İlk simpozium 1983-cü ildə Bakıda YUNESKO bayrağı altında keçirildi. Sonrakı simpoziumlar isə 1988, 2003 və 2007-ci illərdə keçirildi. Bunlardan sonuncusu Parisdə YUNESKO-nun mənzil-qərargahında təşkil olunmuşdu.
2008-ci ildə Azərbaycan prezidenti İlham Əliyevin sərəncamı ilə Xalça Muzeyinin müasir binasının tikintisinə başlandı və 2014-cü ildə onun ilk ekspozisiyası açıldı.