Audio tour Կանացի կերպարն Իսաբեկյանի արվեստում

"Կանացի կերպարը" պատկերաշարը վկայում է արվեստագետի հետաքրքրությունների բազմակերպության, հոգեբանական, քնարական, էպիկական, խորհրդանշական կերպարներ ստեղծելու կարողության մասին:

Իսաբեկյանին ներշնչած, նրա ստեղծագործական մուսաները դարձած գեղեցիկ սեռի ներկայացուցիչները պատկերված են բնական տարբեր վիճակներում ու միջավայրում՝ բնության գրկում, բնակելի տան ու նկարչի արվեստանոցի լուսավոր և կիսախավար ինտերիերներում՝ լողանալիս, լոգանքից հետո, հանգստանալիս, հարդարվելիս, զրուցելիս կամ լռության մեջ խորասուզված... Իսաբեկյանին հետաքրքրում է ոչ միայն կանանց արտաքին՝ մարմնական, զգացական, այլև հոգևոր գեղեցկությունը: