Введение 1. Brest HERstory: дзённік Халіны Керскай, 1939–1940

Brest HERstory - дакументальны аўдыёспектакль пра жаночую гісторыю Брэста ў перыяд Другой сусветнай вайны і позірк на гістарычныя падзеі вачыма жанчыны.

У якасці крыніц былі ўжытыя архіўныя матэрыялы і фота, апублікаваныя тэксты і сведчанні, дзённікі і інтэрв'ю. Brest HERstory уяўляе сабою карту з інфармацыяй пра аб'екты, звязаныя з гераінямі, і аўдыёспектакль, агучаны дзяўчынамі і жанчынамі з нашай супольнасці.

Маршрут Brest HERstory тэматычны і храналагічна падзелены на 5 частак.

Першая частка звязана з дзённікам Халіны Керскай і ахоплівае падзеі ў Брэсце са жніўня 1939 г. па красавік 1940 г. 14-гадовая Халіна, вучаніца гімназіі Траўгута, пачала весьці свой дзённік у 1939 годзе, напярэдадні Другой сусветнай вайны. Дзённік быў захаваны родзічамі дзяўчынкі і знойдзены журналістам Васілём Сарычавым.

Рэкамендацыі па праслухоўванні:
- аўдыё прывязана да кропак, аднак вы можаце рухацца ад кропкі да кропкі, слухаючы запіс,

- звярніце ўвагу, што кожная кропка на карце суправаджаецца інфармацыяй пра гераіню і\ці аб'ект, а таксама месціць фота.