Museum Museu di l’Alta Rocca –Livia

Archiulugia , Palio-etnugrafia è Storia si raghjiunghjiani in u museu , rifletu di 10 000 ani d’occupaziona umana. I cullizzioni sposti  illustrani a storia è a vita cutidiana di i pupulazioni di l’Alta Rocca dapoi à u VIIi imu millinariu nanzu à a nostra epica sinu à u Medievuli.

L’Alta Rocca , sò più di 60 siti buligati , più di 200 siti pruspitati è incù vestigi chì custituisciani una cullizziona di rifarenza. Pudemu scuprà di i pezzi uriginali cumu u schelatru di a più anziana donna di Corsica , i firmati d’animali spariti cumu u Prolagus , i piatti specifichi di Curacchiaghju (Livia) , l’arnesi rializati in i panculi lucali o impurtati , di l’aggarbati in brunzu incù a fibula di i corsi , tistimunianzi di u sapè-fà di l’omini.

Sti tistimonii muti cumpletani a visita di i dui siti appartu à a visita : Cucuruzzu è Capula ch’uffrani un viagjiu in u tempu chi principia à u Mesoliticu (Siti archiulugichi di u Pianu di Livia).

U museu dipartimentali di l’Alta Rocca vi prupona :

Audio-visio guidi dispunivuli gratuitamentu à l’intrata : Francesu , Inglesu , Allimagnu , italianu , lingua di i signi è virsiona audio discrita.

Di i visiti cumentati di u parcorsu pirmantu è di i mostri timpurarii nantu a dumanda prialabili pà i gruppi , adulti o ziteddi , i publichi scularii .

Di l’attelli ghjovanu publicu (tema nantu a dumanda incù risirvaziona prialabili).