Audiotour Дзераўнянская вучэбная эколага-краязнаўчая сцяжынка на ўлонні Налібоцкай

Кожны населены пункт мае свой вобраз, характар, узрост і лёс. Амаль пяць з паловай стагоддзяў  упісала гісторыя ў летапіс нашай малой радзімы-аграгарадка Дзераўная. Вёска стараецца беражна захаваць памяць аб сваім мінулым, якое увекавечана ў назвах вуліц, архітэктурных помніках, мемарыяльным комплексе і знаках, а таксама прыродных аб'ектах. Сведкамі старажытнай гісторыі сталі помнікамі архітэктуры, якія захаваліся да нашых дзён і цяпер з’яўляюцца неад’емнай часткай сучаснай Беларусі. 

Тэматычныя экскурсіі дазволяць навучэнцам дакрануцца да багацця роднага краю, дапамогуць больш глыбокаму засваенню праграмнага матэрыялу па вучэбных прадметах, дысцыплінах.

Тур падрыхтаваны ў дапамогу педагогам устаноў агульнай сярэдняй адукацыі, кіраўнікам школьных музееў, педагогам дадатковай адукацыі. Ён дае цудоўную магчымасць для аптымальнага спалучэння ў адукацыйным працэсе навучання, выхавання, развіцця і  аздараўлення падрастаючага пакалення.