Muzeu Музей “Афганістан баліць у душы маёй”

Музей заснаваны ў 1997 годзе, з 2013 года быў зачынены на рэканструкцыю і ўжо абноўлены быў адкрыты ў лютым 2017 года, напярэдадні Дня памяці воінаў-інтэрнацыяналістаў. Складаецца з 4 раздзелаў: “Афганістан. Краіна і людзі”, “Увод савецкіх войск у Афганістан”, “Воіны-інтэрнацыяналісты – нашы землякі, якія загінулі пры выкананні воінскага абавязку”, “Воіны-інтэрнацыяналісты Светлагоршчыны”.

У музеі захоўваюцца асабістыя рэчы воінаў-інтэрнацыяналістаў, як тых, хто вярнуўся з Афганістана, так і тых, хто загінуў, выконваючы абавязак. Захаваны ўспаміны саміх воінаў, іх родных і сяброў. Асобная вітрына прысвечана працы ў Афганістане палкоўніка Рубанава.