Tur audio Зал 1. Башҡорт халҡының матди мәҙәниәте

18-се быуатта башҡорттар ярым күсмә тормош алып барған. Яҙ етеү ме-нән улар малдары һәм донъя кәрәк-ярағы менән ауылдарын ҡалдырып киткән. Күсеп киткән урындары билдәле территорияла булған, күрше волос еренә керергә ярамаған.
Ҡыш эсендә ябыҡҡан малдар хәл алһын өсөн, беренсе туҡталыштары ауылдары эргәһендә булған. Һуңынан ауылдан унар саҡрым йыраҡлыҡтағы иң йыраҡ йәйләү урынына юл тотҡандар. Унан әкренләп үҙҙәренең ауылына табан, йәй эсендә өс-дүрт, ҡайһы берҙә биш-алты тапҡыр йәйләү урынын алмаштырып ҡайтҡандар. Күсеп йөрөгәндә башҡорттар тирмәлә йәшәгән. Ҡыш етеү менән, ауылдарына ҡайтып, ҡышты өйҙәрендә үткәргәндәр.