Audio tour Audio di Historia di Eagle

IMPORTANTE!

LESA E SIGUIENTE TEXTO PROME!

Prome cu primi e boton di “inicia”, lesa e introduccion na e recorido di audio. Tambe por scuch’e . Bay te abou na e texto: na e parti inferior por primi riba e icono di audio.
E introduccion lo brinda un historia cortico di Refineria Eagle y tambe un splicacion cortico tocante con pa uza e recorido di audio. 

Introduccion

Bon bini na e recorido di audio di historia di Eagle. E Aruba cu bo ta wak rond di bo awor tabata completamente diferente no mucho tempo pasa. Cu e recorido aki nos lo kier hiba bo na e historia di un di nos refinerianan di petroli, e impacto enorme cu e refinerianan tabatin durante E di Dos Guera Mundial y e efectonan di e guera na Aruba. Nos lo mustra bo kico ta resta ainda como testigonan silencioso di e temponan aya. E recorido aki lo hiba bo na cinco luga di interes historico.

Tur cos a cuminsa den e decada di siglo 20. Tabatin dos compania lider den petroli na mundo.  SHELL Hulandes /Britanico y e American Standard Oil di New Jersey, ESSO. Esun di prome  tabatin un refineria importante na nos hermana isla Corsou.

E azeta crudo tabata bini for di lago di Maracaibo, na e costa noord-oost di Venezuela, no mucho leu di e dos islanan. Pero un di e problemanan grandi tabata cu e tankeronan regular no por a crusa e entrada poco profundo di e lago pa yega na e camponan di petroli. Pa resolve esaki a construi tankero special pa lago cu bom plat pa hiba e crudo na e tankero grandinan den lama grandi; despues tabata transborda e petroli pa su posterior transporte  pa e diferente refinerianan.

Esaki tabata un proceso dificil y, por lo tanto, Esso a cuminsa busca un porta adecua pa warda petroli y un stacion di transbordo. Nan a haya e luga perfecto den e bahia y waf di San Nicolas cu antes tabata den uzo pa Aruba Phosphate Industries. Pero e plan inicial a cambia hopi lihe y a cuminsa cu  construccion di un refineria na su luga, Lago Oil and Transport Company.Ltd. Esey tabata na aña 1924. Unabes cu a termina e refineria e tankeronan tabata nabega entre e lago di Maracaibo y refineria Lago di Aruba.

E contrapartido di ESSO den mercado global, SHELL, tabatin un cantidad grandi di campo di petroli na Venezuela, pero no kier a construi refineria na e pais aki cu no tabata stabiel politicamente. SHELL Hulandes a sigui e ehempel di ESSO cu a construi un refineria na Aruba rapidamente.
Nan a haya e concesion di un tereno grandi na e parti oeste di Oranjestad, na  5 kilometer for di e costa pa un concesion di 75 aña. E construccion a cuminsa na aña 1927.

E refineria relativamente chikito a keda completa na aña 1928 y a produci su prome barinan di petroli refina na final di aña 1928, seis luna prome cu Lago. E tabata tin un pier di 400 meter largo bay den lama. E construccion den forma di F tabata permiti dos tanker petrolero grandi y dos mas chikito mara eynan. Un trein tabata conecta e tankernan cu e refineria.

Sigui lesa of scucha e historia na parada #1, edificio di oficina principal di Eagle.

E recorido aki ta pasa canto di playa, pero tambe parti mas paden. Siguiendo e indicacionnan bo lo por bishita tur 5 luga. No mester sigui e secuencia di e recorrido di audio. Asina bo ta cerca di un di e sitionan e lo guia bo na e zona di e GPS. E recorido lo cuminsa automaticamente brindando informacion tocante kico tin pa wak. Si e audio no cuminsa, por lesa e informacion of primi riba e ubicacion caminda e ta riba e pantaya. Esaki lo activa e audio. Bo lo ricibi instruccion di audio na caminda of tambe por uza bo propio sistema GPS.

Primi pa cuminsa awor y disfruta di e recorido unico aki.

This audio tour was made by the Monuments Fund Aruba in cooperation with Dutch Heritage World Tours, Amsterdam.
 
https://www.monumentenfondsaruba.com
https://www.dutchheritageworldtours.nl
 
Text: Evert Bongers http://www.historiadiaruba.aw
Voice-over: Larissa Bermudez https://larissabermudez.com

We’ve done our utmost to identify the sources and holders of rights to the images used. Any person or organization we have overlooked may contact us:
info@monumentenfondsaruba.com