Áudio tour Oppdag Bømlo - telegrafstasjonen

På Finnås finn du tre bygg og tre bruer. Dei fortel alle historia om ein nasjon som veks, frigjer seg og utviklar seg. Det er òg historia om sildefiske, kanalbygging, telegrafi i Noreg og den første bomstasjonen i landet.

Men for å kunna oppdaga desse historiene har vi fått hjelp. I samtale med lokalhistorikar Ola Ersland og Lage Thune Myrberget har Bømlo kommune sett saman ei rekke formidlings punkt og plassert desse rundt om på området - med QR-kodar.

På den måten kan du gå på oppdagelsesferd og bli kjent med lokalhistoria på Finnås. Her fins spor av historie som er skjult for det blotta auge, men dei finst her. Slik som restar etter bruer, gamle bilete, måleri, rikstelefonar, utedoar og moderne containarar som bidrog til at kvinnearbeidsplassar forsvann på 70-talet.

Det er Bømlo kommune som har bidratt til at dette prosjektet er komen i stand. I appen finn du bilete, lydfiler og filmar som hjelper deg med å bli kjent med Noregs historie og utviklinga her frå 1850-talet. Så velkommen til Finnås - og god tur.