Museum Խաչատուր Աբովյանի տուն-թանգարան

 Բարի գալուստ Խ. Աբովյանի տուն-թանգարան…

 Տուն-թանգարանի ստեղծման մասին

  1938թ. ապրիլին հայ մտավորականությունը նշելու էր  Աբովյանի մահվան իննսուն ամյակը: Ուսումնական հաստատություններում զեկուցումներ ու դասախոսություններ էին հնչում  գրողի ու մանկավարժի կյանքի և գործունեության մասին: Տպագրության էր պատրաստվում Աբովյանի երկերի նոր հրատարակությունը:

  1938թ. ապրիլի 25-ին Խորհրդային Հայաստանի ժողովրդական կոմիսարների խորհուրդը որոշում է՝ Քանաքեռի այն տունը, որտեղ ծնվել էր գրողը, վերակառուցել և դարձնել նրա կյանքն ու գործունեությունը ցուցադրող ու հանրահռչակող թանգարան:

  Որոշումից 10 օր անց տուն-թանգարանի ոչ հաստիքային վարիչ է նշանակվում Քանաքեռի երեկոյան դպրոցի ուսուցիչ  Էդուարդ Հովհաննիսյանը:

  1964թ. ապրիլի 20-ի որոշմամբ  միջթանգարանային խորհուրդը նշում է, որ տուն-թանգարանը պետք է հանդիսանա ժամանակակից  թանգարանային սկզբունքով կառուցված ու կահավորված մի մշակութային  հաստատություն: Այս նույն ժամանակահատվածում  թանգարանի վերաձևավորմանը  զուգահեռ Քանաքեռ տեղափոխվեց  Ա. Տեր-Մարուքյանի 1913թ. Փարիզում կերտած Աբովյանի արձանը և  իր տեղը գտավ մեծ գրողի հայրական տան դիմաց:

  1978թ. կառուցվեց  ցուցասրահի նոր շենքը, որի հեղինակներն են՝  ճարտարապետ Լիպարիտ Սադոյանը և նախագծող Իլյա Մանուչարյանը:

    2005թ.  տուն-թանգարանը հիմնանորոգվեց, 5 տարի անց  բացվեց նոր  ցուցադրությունը՝  տոհմատունը՝ 4 հարկաբաժիններով և ցուցասրահը՝ 12 բաժիններով: