Tour audio Monte Castrove_Roi

Esta senda discorre polos Concellos de Meaño e Meis na Comarca do Salnés. Ten unha duración aproximada de dúas horas a pé percorrendo unha distancia duns sete quilómetros cunha dificultade media. Ascenderemos dende o nivel do mar por unha suave e agradable subida seguindo o curso do río da Chanca ata o Mosteiro da A Armenteira. Polo camiño atoparemos máis de vinte muíños, algúns restaurados. A primeira metade da senda é moi apracible, entre viñedos que nalgún tramo atravesan o río de lado a lado. A medida que ascendemos adentrámonos nun espazo forestal, baixo a sombra de árbores caducifolias ao longo do río. Xa na parte final, un muro de pedra de catro metros de altura anunciaranos que chegamos ás posesións do Mosteiro da A Armenteira. Continuaremos ascendendo deixando atrás o Campo de Golf e mailas pinturas rupestres até chegar ao alto do Monte Castrove, onde nos esperan as mellores vistas das rías de Pontevedra e Arousa

Esta senda conectaranos coa natureza e historia que temos ao noso carón.