Audioguía Гандаль купца Мінца

Да ліку буйнейшых купцоў Полацка пачатку ХХ стагоддзя належаў Берка Гіршавіч Мінц, які вёў аптовы гандаль і крэдытаваў дробных гандляроў-яўрэяў. Яго дом размяшчаўся на цэнтральнай вуліцы горада – Віцебскай, але будынак гэты не захаваўся. Берка Мінц валодаў некалькімі вялікімі крамамі. У цэнтры Полацка гандляр меў мануфактурную краму, дзе можна было набыць тавары фабрычна-заводскай вытворчасці, і галантарэйную краму, у якой палачане набывалі прадметы туалету і асабістага ўжытку. Ва ўніверсальнай краме ў адрозненне ад спецыялізаваных прадаваліся разнастайныя тавары: палачане маглі набыць тавары фабрычнай вытворчасці, вырабы рамеснікаў, прадукты харчавання і галантарэйныя вырабы.