Audiotour Күүс-уох ылынар сир. Өлүөнэ очуостара. 1 чааһа. Буотама өрүс төрдө

Убаастабыллаах айанньыттар, сынньанааччылар! Хас биирдиибит күннээҕи олохтон сылайан, эт-хаан өттүнэн эрэ буолбакка, дууһалыын-санаалыын эмиэ сынньаныан баҕарар. Онон, күннээҕи түбүктэн аралдьыйарга ытык сир мааны айылҕата, кэрэ көстүүтэ эһиэхэ күүс-сэниэ эбиэҕэ. Аан дойдуга киһиэхэ улахан күүһү биэрэр ытык  миэстэлэр үгүстэр. Оттон биһиги Сахабыт сиригэр маннык миэстэнэн “Өлүөнэ очуостара» диэн национальнай паарка буолар. Өлүөнэ очуостарын  сирэ-уота түҥ былыргы устуоруйатынан,  кэрэ көстүүтүнэн  уонна ураты күүстээҕинэн биллэр. Олохтоохтор былыр-былыргыттан күн бүгүҥҥэ диэри бу сирдэрин олус ытыгылыыллар , сырдык  күүһүгэр сүгүрүйэллэр.

МТС хамаандата эһиэхэ анаан «Место силы» диэн экологическэй бырайыак чэрчитинэн оҥорбут аудиогидыгар  олус интэриэһинэй чахчылары хомуйда.

Биһиги аудиогидпыт икки чаастан турар.

Маҥнайгы чааһыгар – «Өлүөнэ очуостара» национальнай пааркаҕа диэри айан. Бу айан устатын тухары эһиги айылҕабыт кэрэ көстүүлээх эриэккэс сирдэринэн ааһыаххыт. Ол курдук биһиги Өлүөнэ өрүс устунан Буотама үрэх төрдүгэр, бизонарийга, кырылас кумахтаах Тукулааҥҥа уонна түҥ былыргы дьон олоро сылдьыбыт Дириҥ Үрэх диэн ааттаах сирдэригэр тиийэ сылдьыахпыт.

Аудиогпидпыт иккис чааһа эһигини национальнай паарка кэрэ көстүүлээх сиригэр-уотугар уонна Өлүөнэ очуостарын дабайар  экологическэй ыллык устун сирдиэҕэ.

Билигин истэр аудиогидкыт бастакы чааһыгар, биһиги Өлүөнэ очуостарын туһунан интэриэһинэй чахчылары уонна очуостарга тиийэр бэлиэ сирдэр тустарынан билиһиннэриэхпит. Олортон биирдэстэринэн буолар – Хаҥалас улууһа.

Биһиги эһиэхэ улуу Өлүөнэ Эбэ Хотун туһунан уонна бу өрүс сүнньүгэр саха омук хайдах үөскээбитин, хантан кэлэн олохсуйбутун, тэнийбитин туһунан кэпсиэхпит. Өлүөнэ очуостара хайдах үөскээбиттэрин, тоҕо былыргы төрүт олохтоохтор таас хайалартан куттаналларын, ол туһунан ханнык үһүйээннэр хаалбыттарын уонна сахалар бу сирдэргэ олохсуйа кэлбит нууччалары хайдах көрсүбүттэрин туһунан билсиэххит.

Өлүөнэ өрүс уҥа салаатынан буолар Буотама өрүс уратытын уонна бастакы дьон хаһан манна баар буолбутун, ол дьон таас хайа сирэйигэр хаалларбыт суруктарын туһунан истиэххит. Ону тэҥэ учуонайдар, чинчийээччилэр булбут былыр үөскүү сылдьыбыт  кыылларын уҥуохтарын уонна олортон билигин ханнык кыыл көрүҥүн сөргүппүттэрин билиэххит.

Айан устата эһигини аудиогид быһыытынан, сахалар бары билэр киһибит, Ньургун Бэчигэн куолаһа  арыаллыаҕа.

Күндү дьоммутугар - барыгытыгар сымнаҕас айаны,  умнуллубат үтүө түгэннэри баҕарабыт!

Убаастабыллаах ыалдьыттар, айан кэмигэр сибээс уонна интернет ситимэ сорох сирдэргэ хаппат буолуоҕа диэн эрдэттэн сэрэтэбит. Ол иһин izi.TRAVEL диэн сыһыарыыны төлөпүөҥҥүтүгэр киллэринэргитигэр, ол кэннэ Өлүөнэ очуостарынан аудиогиды салгыы хачайдыыргытыгар көрдөһөбүт.

Сыһыарыыны төлөпүөҥҥэ хайдах хачайдыыргыт туһунан  мин быһаарарбын сиһилии истэргитигэр көрдөһөбүн:

• Бастакытынан, izi.TRAVEL диэн сыһыарыыны төлөпүөҥҥүтүгэр хачайдааҥ, ол кэннэ геолокацияҕытын көрдөрөргө көҥүллээҥ.

• Иккиһинэн, сибээһэ суох сиргэ аудиогид үлэлиирин туһугар сыһыарыыгытыгар Буотама үрэх туһунан бастакы чааһы арыйан хачайдаан кэбиһиҥ.

• Салгыы аудиогид үлэтин саҕалыыр кнопкатын баттааҥ. Кэпсээннэр туһааннаах маршрутка кэллэхпит аайы, GPS нөҥүө  сирдэтэн, бэйэлэрэ холбонон иһиэхтэрэ.

Убаастабыллаах ыалдьыттарбыт , бары бэлэм буолбут буоллаххытына, айаммыт саҕалланна!