Tour audio Carbònia - Sa prus giòvuna de Sardigna

Carbònia: Dae citade minerària a museu bivente de su paesàgiu

Unu tempus logu de indùstria minerària, oe in die Carbònia chircat de torrare a iscobèrrere, isvelare e annoare su patrimòniu edilìtziu. 
Sa tzitade de Carbònia naschet in su tempus de s'autarchia posta cun su regime fascista italianu.

Fabbricada intre su 1937 e su 1938, fiat una de is tzitades intregadas a sustènnere sa polìtica de autonomia econòmica de s'Itàlia.

Su sètiu de su populadu protzediat dae sa “Miniera Manna” de Serbariu. Difatis, is tres istradones de sa citade atobiaiant e atòbiant ancora me in su cumplessu mineràriu – perda de contone materiale e metafòrica de sa citade.
Is elementos printzipales chi sestant s'aparada de sa citade sunt su cumplessu mineràriu, is àreas residentziales e Pratza Roma.

Is àreas residentziales sunt s'isprigu de sa divisione geràrchica, is apendìtzios fiant istagiados s'unu s'àteru: is diretores e is impiegados biviant in su tzentru de sa citade, is domos de is minadores abarraiant prus a is oros.
Architetos italianos famados, che a Cesare Valle, Ignatziu Guidi e Gustavo Pulitzer-Finali, ant traballadu in paris in sa pianificatzione urbana e in sa progetatzione edilìtzia de Carbònia. Su progetu de sa tzitade rapresentaiat su resumu de sa propaganda e de is disìgios fascistas.

S'acontzu de su patrimòniu edilìtziu at batidu a Carbònia su prèmiu europeu de su paesàgiu in su 2011. Unu caminu urbanu (Itineràriu CIAM) at furriadu sa citade a museu a suta de su sole e est unu de is resurtados de custu progetu mannu de annoamentu culturale, istòricu e urbanu. In prus, s'acontzu de sa Miniera Manna de Serbariu at fatu a modu de nche pòdere nàschere su Museu de su Carbone e su Tzentru Italianu pro sa Cultura Minerària.