博物馆Стара-Васілішкаўскі клуб-музей

Старыя Васілішкі - гэта месца цудаў. У невялікай вёсцы, дзе цяпер жывуць не больш за 30 чалавек, узвышаецца шыкоўны касцёл, які ўражвае сваёй маштабнасцю, менавіта тут нарадзіўся сусветна вядомы спявак і кампазітар Чэслаў Немэн.
Стара-Васілішкаўскі клуб-музей - гэта месца, якое прыцягвае тысячы турыстаў з усяго свету! Экспазіцыя клуба-музея прысвечана знакамітаму музыканту, спеваку, кампазітару, куміру пакаленняў - Чэславу Немэну. Асноўную частку экспазіцыі складаюць фатаграфіі, прадметы побыту сярэдзіны ХХ ст. Асаблівую каштоўнасць маюць рэчы, якія належалі сям'і Выджыцкіх (сапраўднае прозвішча Немэна).

1 жніўня 2010 года быў адкрыты клуб-музей, прысвечаны Чэславу Немэну. Наш маленькі музей стаў сусветна вядомым: за 2018 г. яго наведала амаль 10 тысяч турыстаў.