Audiotour Ruta A Embelesadora, un percorrido para o benestar e a espiritualidade

Antes de poñerse en camiño, compartímosvos estas suxestións, que vos han permitir percibir
de xeito máis nidio a enerxía do bosque, da natureza, da creación.
Se vides en grupo, animámosvos a facer un círculo para presentarvos.
En silencio e con todos os sentidos alerta... tacto, olfacto, gusto, oído, vista... sentindo o
movemento do corpo e a respiración.
- “Camiñade coma se bicásedes a terra. Cunha actitude atenta, amable, tranquila,
aberta, sen expectativas, entregándovos con curiosidade inocente”
- “A vosa mente pode partir en mil direccións, pero por este fermoso sendeiro... avanza
en paz, a cada paso... espértase unha suave brisa, a cada paso... ábrese unha flor” (Thich Nhat
Hanh).
- “No momento en que sintades que acoden á nosa mente preocupacións, problemas ou
distraccións ...detédevos, inspirade fondamente e continuade, tratando de mergullarvos de
novo na presenza total do bosque”.